Stories


Woh ishq jo humse rooth gaya by Drift king

Uske pair tabley ki taal ke sath lay main hil rahe the aur uske pairon ke sath sath vahan pe bethe sare mard sharab ke sath uske naachte huve jism ke nashe main bhi doobe huve the.

 

"Wah! meri jaan kya nachti ho, dil karta hai tumhain hamesha ke lye apne sath lay jayon"... Wahan pe bethe aik mard ne jhoomte huve use daad di

 

"Meera Bai, kab moqa dogi humain ke es haseen jism ki pooja kar sakan hum, aik baar han to karo mouh mange paise milan ge"... Aik aur mard ne vahan bethi aik aurat ki taraf daikhte huwe kaha.Thodi dair baad us naachti huwi ladki ne apna naach khatam kya aur sir jhuka ke un hawas ke mari huwi nazron ko aik dafa dekha aur phir us bade se kamre se bahar aa gayi.

Kamre se nikal kar woh seedhi ke zariye neechay apne kamre main aa gayi aur foran apne uper se woh sara zever utarne lagi, har dafa es tarhan lalchayi huwe nazron ke samne naach kar use apna aap aur bhi zyada sasta aur ganda mehsoos hota tha. Laiken abhi bhi use ye bhagwan ki kirpaa hi lagti thi ke woh nazrain sirf uske jism ko daikh sakti hain halanki wahan pe bethe mardon ka bas nahi chal raha hota tha ke woh uske jism ke sath lipte har kapde ko phaad kar use nanga kar dain laiken unke hath abhi bandhe huwe the

 

laiken kab tak, ye woh sawal tha jis ka jawab uske paas nahi tha per woh etna zaroor janti thi ke ab uske pas zyada samay nahi hai, buhut jald Meera Bai use un bhooke bhaidiyon ke samne daal degi woh to bas es baat ka intazar kar rahi thi ke koi uska sahi daam lagaye aisa daam jo such main uski nath utarne ka haq ada karta ho.

 

Es nark jaisi zindagi main umeed ka sirf aik he diya tha uske paas laiken shayad abhi woh diya khud bhi nahi janta tha ke koi uski halki se roshni ke sahare kitne bade bade khaab daikh raha hai. Ab shayad woh samay aa gaya tha ke ab khul ke use apne dil ki baat kar daini chahye es se pahle ke buhut dair ho jaye.

Abhinav ne college se bahar aa kar aik lambi saans li jaise woh apni azadi ko mehsoos karna chahta ho. 21 saal us ne es din ka intazar kya tha, us ne apne hath main pakre certificate ko dekha, ye kaghaz ka tukda uske lye aik aisi zindagi ki umeed tha jis main kam az kam use chup kar ya sharminda ho kar nahi jeena pade ga. College se nikalne ke baad woh sab se pahle nazar aanay wali ATM booth main ghus gaya, use apna account check karna tha ke us main kitne paise hain. Apna account daikhne ke baad uski khushi dukh main badal gayi, etne salon ki mehnat ke baad bhi woh sirf 20,000 jama kar paya tha aur etne se paison

 

man woh zindagi jeena to khaab he tha jo woh chahta tha. Us ne sath se guzarti aik taxi ko hath de kar roka aur etne salon ke bad bhi apne ghar ka pata batate huwe uski nazrain apne aap he sharam se jhuk gaye then. Taxi wale ne muskurate huwe apna meter neechay kar ke uske bataye huwe pate pe gari bhagana shuru kar di.

 

Woh taxi main bethe huwe bhi abhi tak unhi sochon main gum tha ke abhi use kuch saal us nark main rahna pade ga jise woh etne salon se bardasht kar raha tha, abhi woh soch he raha tha ke use aur kya karna hoga apni azadi ke lye ke achanak taxi jhatka kha ke ruk gayi

 

"Lo sahab, apki manzil aa gayi"... Taxi wale ne jaise use hosh ki duniya main wapas lay aaya

 

"Kya sahab, lagta hai buhut hi shoqeen mizaj ke ho, yahan pe to log apni ratain rangeen karne aate hain, aap to din main he yahan aa gaye"... Taxi wale ne uske hath se paise laite huwe aik baar phir muskura ke kaha.

 

Abhinav ne uski baat ka koi jawab na dya aur use paise de kar apni manzil ke taraf chal pada. Ye pahli baar nahi tha ke use kisi taxi wale ne ye baat ki thi laiken woh kya jawab daita ke woh jaga jahan pe log apni raaton ko rangeen ban'ne aate the, jahan pe jism paise de kar istamal kye jate the, jahan pe aik raat main

 

lakhon rupay kisi tawaif ke naachne pe luta dye jate the. Woh wahan pe paise lutane ya apni jism ki bhook mitane nahi aata tha balke woh to usi gandagi ki padaish tha, kisi ameer-zade ki chand ghanton ki pyaas ka natija. Isi badnaam ilaqe main he uska ghar tha jisko ghar kahna bhi woh paap samajhta tha laiken kismat ne uske sath khail he aisa khaila tha ke woh na chahte huwe bhi 21 saal hath pair marne ke bawajood thak haar kar wahin wapas anay pe majboor tha.

A.C ki thandak ki waja se pura kamra baraf khana bana huwa tha. Yadav

 

ne kamre main ghusne ke baad sab se pahle A.C band kya aur phir khidki ke agay se parde hata dye. Bed pe soye 6 foot lambe mard ne apne chahre pe padni wali roshni pe zara sa hila aur phir mouh dusri taraf kar lya jaise use apne chahre pe padni wali roshni pasand na aayi ho.

 

"Thakur Sahab, 11 baj chuke hain, aap ne 10 baje uthane ko kaha tha"... Yadav ne ab ki baar bed ke qareeb ja ke oonchi awaz main kaha

 

"Yadav, kyun subha subha tang kar rahe ho"... Bed pe soye use mard ne ankhain band kye he sawal kya

 

"Thakur Sahab, aapko aaj farm house jana tha na, aap ne raat mujse

 

kaha tha ke subha 10 baje aapko utha don aur ab 11 baj chuke hain"... Yadav ne aik baar phir apne anay ki waja batayi aur ab ki baar shayad uski baat bed pe laite us mard ko samajh aa gayi thi

 

"Tum ne muje 10 baje kyun nahi uthaya? Tum jante ho aaj mera jana kitna zaroori tha"... Woh ab uth ke baith gaya tha

 

"Main pahle bhi aaya tha laiken aap uth nahi rahe the"... Yadav uske samne hath bandhe dair ho jane ki waja bata raha tha jaise uske 1 ghanta dair se uthne main sara qasoor uska he ho

 

"Ab jaldi se mera nashta tyaar karayo main abhi tyaar ho ke aata hon"

 

Thakur Virendar Singh apne maan baap ki akloti aulaad tha. Waise to uske pita ne kafi sari shadiyan ke then laiken bhagwan ne sirf aik he aulaad unki kismat main likhi thi.

Thakur Virendar ne apni maan ko sirf tasveeron main he dekha tha, kyun ke uski maan uske pita ko buhut jald he chod kar chali gayi thi aur kahne wale kahte the ke uske pita ye gham bardasht na kar sake the aur uski maan ke jane ke baad woh aise bikhre ke akhir kaar aik din soye to phir dobara na uthe. Uske pita ne mohabbatain to buhut sari ke thein laiken uski maan se unhain kuch khaas mohabbat thi laiken uski maan

 

se jab unhon ne shadi ki to woh apni jawani ki joban pe thi jab ke uske pita tab 40 ka hindsa paar kar chuke the. Uski maan ne daulat ki chamak daikh kar un se shadi to kar li laiken jald hi use apne galti ka ehsaas ho gaya aur phir woh zyada dair ruk na saki aur khud ko azaad kara lya.

 

Thakur Virender ko bepanah paisa aur buhut bada business virasat main mila tha. Log kahte the ke Thakur Virender aur uske baap main zyada fark na tha woh apne baap ki tarhan he aik shandar personality rakhta tha, 6 foot lamba kad, mazboot kasrati jism, khadi naak jiske neechay ghani moochain aur nashe se bhari ankhain jaise woh har waqt sharab ke nashe main rahta ho. Un dono main bas koi farq tha to sirf

 

ye ke uske baap ne apni zindagi main buhut sari aurton se mohabbat ke thi laiken Thakur Virender ke lye apni maan ki kahaniyan sun'ne ke baad aurat se mohabbat karna sambhav na tha, woh sirf un se khailta tha aur aurat ko kisi khilone se zyada nahi samajhta tha. Yahi waja thi ke 30 saal ke bad bhi woh ab tak kunwara he tha, aur us ne tay kar rakha tha ke woh kabhi shadi nahi kare ga.

Thakur Virender tyaar ho kar neechay aaya to nashta tyaar tha aur Yadav table ke sath hath bandhe khada tha. Yadav uska khaas mulazim tha, unke ghar main

 

mulazim bhi naslon se chale aa rahe the. Yadav ke baap ne sari zindagi Thakur Virender ke pita ki seva ki thi aur Yadav jo us se 5 saal bada tha us ne bhi apni sari zindagi Thakur Virender ki seva main he guzar de thi.

 

"Yadav, Harshit ka phone to nahi aaya tha?"

 

"Thakur Sahab, 3 baar aa chuka hai aur apka pooch chuke hain"

 

"Theek hai, main farm house jate huwe use khud phone kar loon ga"

 

Thakur Virender ne nashta khatam karte huwe kaha aur bahar aa kar

 

apni gadi main beth kar driver ko apne farm house chalne ko kaha. Aanay wale 2 hafte buhut khaas the uske sab se purane dost Harshit Sexana ki shadi hone wali thi aur us ne faisla kya tha uski shadi uske farm house main hogi aur ab usi ki tyari ke lye woh apne farm house ja raha tha, es baat se anjaan ke agle anay wale 2 hafte uski zindagi main aik buhut bada toofan le ke aane wale the.

Duniya main agar koi aisi jaga hai jahan pe beta paida hone pe gham manaya jata hai to woh kisi tawaif ke kothe ke ilawa aur koi jaga nahi.

Abhinav

 

ne logon ke ye kahte suna tha laiken haqeeqat main to woh khud es taklif se guzra tha. Kothe pe paida hone wale larkay ko bhoj se zyada kuch nahi samjha jata, shayad hijde ke paida hone pe bhi kothe pe aisa gham nahi manaya jata jo ladke ke paida hone pe hota hai. Ladka paida karne wali tawaif apne aap ko buhut bad-qismat manti hai, kyun ke woh maan se pahle aik tawaif ban ke soch rahi hoti hai. Ladki ko paida kar ke kisi bhi tawaif ka budhapa sanwar jata hai laiken beta paida kar ke use aisi koi khushi nahi milti. Kyun ke kothe pe paida hone wale larkay ya

 

to wahan se bhaag jate hain ya zyada se zyada dalal ban sakte hain aur dalali ke lye bhi unhe ladki chahye hoti hai.

 

Abhinav ne aksar dramon aur filmon main ye dialogue suna tha ke "Koi bhi aurat apni marzi se tawaif nahi banti", laiken haqeeqat main aj tak us ne apne ird gird aisi tawaif nahi daikhi thi jo es karobar se bahar nikalna chahti ho. Agar aisa hota to beton ke paida hone pe ghum kyun manaya jata? Betay ko sahara samajh ke koi tawaif es gandagi se bahar nikalne ki koshish kyun nahi karti?. Laiken filmon aur asal zindagi main shayad fark hota hai, haqeeqat hamesha se aisi hi kadwi hoti hai.

Laiken ye bhi sach tha ke un se apne

ird gird kisi bhi ladkay ko apni maan

 

ka sahara bante nahi dekha tha, un main se zyada tar nashe ke aadi ho kar wahin kahin na kahin pade rahte aur roti khane kothe pe chale jate ya phir wahin kothe pe he dalal ban jate. Isi waja se shayad tawaifon ko betay paida karna kisi jurm se kam nahi lagta kyun ki woh janti then ke woh unka sahara nahi balke ulta un pe bhoj ban ke es duniya main aye hain.

 

Woh aksar sochta tha ke woh bhi un sab ki tarhan kyun nahi hai? Woh bhi es sare mahool ka hissa kyun nahi ban paya, etne saal guzarne ke baad bhi aaj bhi use es jaga se waisi hi nafrat hai jaise hosh sanbhalne ke baad huwe thi. Meera Bai kahne ko to uski maan thi laiken aj tak woh us se ankh mila kar baat karne ki bhi

 

himmat nahi kar paya tha. Aur na he Meera Bai ne kabhi us se koi beton wali mohabbat ki thi. Aaj kayi salon ki mehnat ke baad woh B.COM karne main kamyab ho gaya tha aur uski es kamyabi ke peechay 2 karran the, aik to Chanda aur dusri Meera Bai ki daulat. Chote se aik kothe ki bajaye us elaqe ke bilkul ant pe Meera Bai ka apna ghar tha, jis ke uper wale hissay ko kothe ke tor pe istamal kya jata tha aur neechay wale hissay main sab ghar wale rahte the.

 

Meera Bai ke pas paisa hone ki sab se badi waja ye thi ke uski 4 bahnain aur bhi then aur unho ne bajaye alag alag apna dhanda karne ke aik sath he dhanda kya tha. Meera Bai sab se badi thi aur uski aik he aulaad Abhinav tha jab ke uske baki ki 4

bahnon ne sirf betiyan he paida ke then. Abhinav ko aaj tak pata nahi chal saka tha ke uske ghar main kul kitne log rahte hain kyun ke har mahine woh apne ghar koi na koi nayi ladki zaroor daikhta tha. Aik aur waja ye bhi thi ke uska kamra neechay gate ke bilkul sath he konay main tha jisko pahle to store ke tor pe istamal kya jata tha laiken phir Chanda ne uski safayi kara ke Abhivan ko ye kamra de dya tha. Aur uski duniya bas us chote se kamre se apne college tak thi, woh ghar ke uper ke hissay main hosh sanbhalne ke baad kabhi nahi gaya tha. Es lye bhi use ghar ke ander rahne wale logon ka zyada pata nahi lagta tha.

Uske aur ghar ke ander rahne walon

logon ke beech koi kadi thi to woh bas Chanda thi. Na to Abhinav ko ghar ke ander rahne walon main koi

 

dilchaspi thi aur na ghar main rahne wale logon ko koi dilchaspi thi ke unhi ke ghar ke aik kone main aik chote se kamre main koi ladka raha tha. Un sab ki apni apni duniya thi jis main woh magan the.

Chanda waise to hijda thi laiken koi bhi use daikh kar ye nahi kah sakta tha ke woh aurat nahi hai. Ab to khair uski umer kafi ho gayi thi es lye kuch na kuch pata lag jata tha warna jawani main to koi bhi use ladki samajh ke dhoka kha jata tha. Chanda ko Meera Bai ne ghar ki daikh baal ke lye buhut pahle kharida tha aur tab se woh Meera Bai ki sab se khaas aur sab se qareebi logon main se aik thi, apni behnon ke baad Meera Bai ko kisi pe

 

bharosa tha to woh Chanda thi. Chanda ko shuru se he Abhinav se khaas lagav tha, Meera Bai ne to uska naam rakhna bhi gawara nahi kya tha, aur Chanda ke ane se pahle tak uska koi naam tha bhi nahi, use Abhinav naam bhi Chanda ka dya huwa tha. Jab tak woh apni padhai ka kharcha uthane ke qabil nahi huwa tha tab tak Chanda ne he uski madad ki thi. Halanki woh janti thi ke uska laksh aik din us ghar se jana he tha laiken phir bhi woh uski madad se khud ko na rok payi thi.

Shayad dil he dil main woh bhi chahti

thi ke woh yahan se chala jaye, woh har roz use yun ghut ghut kar marta nahi dekhna chahti thi. Abhinav ko bhi agar apni zindagi main kisi se mohabbat thi to woh Chanda ka he wajood tha. Use Chanda se tab se lagav tha jab woh ye bhi nahi janta

 

tha ke woh asal main hijda hai, aur fark bhi kya padta hai, woh insan ka bacha tha jo aise mahol main sans lay raha tha jahan pe maan ya baap jaisi kisi cheez ka wajood na tha aise main use pyaar se 2 bol bolne wala chahe koi hijda he kyun na ho use to bas us mohabbat se gharz thi jo use sirf Chanda se mili thi.

"Kyun re dulari, aaj bar bar Abhinav ke ane ka kyun pooch rahi hai?"...

Chanda ne Meena ki taraf shararti nazron se daikhte huwe kaha

 

"Kuch nahi, main to waise he pooch rahi thi"... Meena uske yun kahne pa gadbada se gayi thi

 

"Salon se janti hon tuje, ye jo teri ankhain hain na sab bata daiti hain muje"... Chanda ne uske jawab ko huwa main uda dya

 

"Kya?...Kya matlab?...Kya janti ho?"... Meena abhi bhi gadbadayi huwe thi es achanak hamle pe

 

"Yahi ke pichle 3 saal se tu Abhinav ko kisi aur he nazron se daikh rahi hai"... Chanda na maze laite huwe kaha, ab ki baar Meena se koi jawab na ban paya to woh chup chaap sir jhukaye bethi rahi

"Meera Bai ko pata laga na khaal khainch lay gi teri. Tujhe pe buhut kharcha kar chuki hai woh ab to vasooli karne ke din aye hain aur tuje mohabbat ke sapne aa rahe hain"... Ab ki baar Chanda ne sanjeeda lahze main kaha

 

"Daikh dulari, tawaifon ki kismat main mohabbat nahi hoti. Woh to parinda hai jo galti se es qaid main aa phunsa hai, kisi bhi lamhe yahan se ud jaye ga, tu uski umeed pe khaab daikhna chod de, woh to khud ko es qaid se azad karne ke lye hath pair maar raha hai, tuje kya bachae ga"

 

"Agar main bhi uske sath azad hawa main udna chahon to?"... Ab ki baar Meena ne Chanda ki ankhon main ankhain dal ke sawal kya

 

"To Meera Bai udne se pahle he tum dono ke parr kaat de gi haan. Aise khaab na daikh jin ki qeemat tu baad main na chuka sake"

 

"Khaab daikhne main kya burayi hai? Ho sakta hai woh apne sath muje bhi udna sikha de"... Meena abhi bhi apne sapnon ki duniya main khoyi huwe thi

"Tu kisi mahal main nahi aik kothe main rahti hai, ye shahzadiyon wale

 

khaab daikhna chod de. Umeed us se lagate hain jo khud kisi mazboot zameen pe khada ho, arey woh to khud kacchi zameen pe khada hai aur fisal kar girne se bachne ke lye hath pair mar raha hai, agar uska hath thame gi to dono he neechay aa giro ge"

 

"Waise bhi use to pata he nahi ke tu kya khaab daikh rahi hai, ye tu tune khud se he soch lya hai ke woh teri madad kare ga. Woh to shayad janta bhi nahi ke es ghar ke ander Meena naam ki bhi koi ladki rahti hai"...

Chanda ne aik baar phir aik kadwi sachayi uske samne rakhi

 

"Use batane ka samay aa gaya hai Chanda aur mera dil kahta hai woh meri madad zaroor kare ga. Jo es dard se guzre hai woh mera bhi dard samjhe ga. Aik he nasal ke to janwar bhi aik dusre ki madad karne aa phunchte hain museebat main, hum to phir bhi insan hain, woh mera hath zaroor thame ga"

 

"Dulari, mohabbat tawaif ko deemak ki tarhan chaat jati hai. Aur tu to andhi mohabbat kar rahe hai balke mohabbat he nahi shayad tera swarth hai ke tuje es andhaire main bas umeed ki wohi aik kiran nazar aa raha hai jise tu mohabbat ka naam de rahi hai"

"Nahi Chanda tu meri mohabbat ko samjhi nahi, main to bas chahti hon ke woh muje apna bana lay fir chahe woh muje yahan se azad karaye ya fir yahin rakhe, main to bas uski hona chahti hon. Tuje kya pata jab raat ko bhooki lalchayi nazron se mard mere shareer ko daikhte hain to ghin aati hai muje khud se. Main to chahti hon ke mere shareer ko agar koi pahla mard chuwe to woh bas Abhinav he ho. Main janti hon tawaif ko mohabbat raas nahi aati, maine buhut bade khaab nahi daikhe. Ye azadi ki khahish to tere mouh se uski soch jaan kar mujhe main paida huwi warna pahle to bas main uske kareeb hona chahti thi use apni bahon main bharna chahti thi, ye azad hone ka ehsaas to

 

Abhinav ki soch jaan kar mujh main paida huwa hai"... Ab ki bar Meena bolne pe aayi to bolti he chali gayi aur Chanda uski baatain sun kar harain apni jaga pe khadi ki khadi rah gayi. Woh ye to janti thi ke Meena ko Abhinav se mohabbat hai laiken woh mohabbat etni jadd pakad chuki hai es baat ka use andaza na tha.

 

"Main to fir bhi yahi kahon gi, ye khaab daikhna chod de, agar mouh ke bal zameen pe giri to sab se zyada takleef muje he hogi. Tum dono se he muje buhut lagav hai, dono main se kisi ko bhi chot lagi to dard muje he hoga"... Chanda ye kah kar uske kamre se bahar aa gayi aur Meena wahin bed pe raat hone ke intazar karne lagi, aaj kismat se uska

 

koi naach nahi tha aur aj raat woh apne mehboob ke samne apna dil khol ke rakh dain chahti thi, es se pahle ke buhut dair ho jati, woh khud he Abhinav ko apne dil ki baat bata daina chahti thi.

"Virender, yaar etne bade farm house ki sajawat pe to buhut kharcha ho jaye ga"... Harshit jo es samay Thakur Virender ke sath uske farm house pe khada tha wahan pe hoti sajawat ko daikh ke bola

 

"To hone dena, tere baap ka kya ja raha hai? Main kharcha kar raha hon,

 

meri khushi hai tu paise ki fiker karna chod de, ye shadi aisi hogi ke log kayi salon tak yaad rakhan ge"... Virender ne josh bhare lahze main kaha.

 

"Yaar ye kuch zyada nahi ho jaye ga?"

"Tum main aur mujhe main kya fark hai? Mera koi bhai nahi hai aur tumhain maine hamesha apne bhai ke tarhan mana hai aur samjha hai. Aur agar tumhain lag raha hai ke ye buhut zyada hai to tum meri shadi main hisaab barabar kar daina"

 

"Tum ne to shadi karni he nahi aur na he muje aisa moqa milna hai, ye to tumhain pata hai"... Harshit ne ab ki baar hanste huwe kaha

"Tum ne woh muhawara nahi suna, ke jab bazar se doodh mil jata hai to bhains palne ke kya zaroorat?. Main bazar ke doodh se he apni pyaas bhuja laita hon"... Virender ne ab ki baar use ankh marte huwe kaha to Harshit apni hansi na rok saka

"Acha sun, teri shadi se 2 din pahle khaas programme bhi hoga, dhiyan karna kahin Riya ke samne mouh na khol daina. Aur us raat apni hone wali patni se ijazat bhi lay laina.

Saale abhi to shadi bhi nahi huwe aur saans bhi us se pooch ke laita hai shadi ke baad pata nahi kya hoga tera"... Virender ne hanste huwe kaha

 

"Ab aisi bhi baat nahi, mohabbat ki shadi hai, jab tak ho nahi jati naaz nakhre tu uthane padan ge na"...

Harshit ne bhi hanste huwe jawab dya

 

"Sikendar kah raha tha ke Meera Bai ke kothe pe kisi ladki ne 1 saal se badi dhoom macha rakhi hai, kamal ka naachti hai. Abhi tak kisi private party main nahi gayi, bilkul taazi kalli hai. 5 lakh main book kya hai use 1 raat ke lye"... Virender ne ab use plan batate huwe kaha

 

"Kya sirf nachne ke lye 5 lakh aik raat ka?"... Harshit ne hairangi se poocha

 

"Haan to aur kya? Meera Bai ke kothe pe koi aam ladkiyan nahi nachten, shaher ki sab se haseen aur jawan ladkiyan hoti hain wahan.

Pahle bhi 2,3 baar uske kothe se bula chuke hain aur Sikender to takreeban roz he jata hai uske kothe pe. Bata raha tha ke nath bhi nahi utri abhi ladki ki, bilkul taaza maal hai. Agar muje pasand aa gayi to kuch din rakh loon ga apne paas"...

Virender ne aik baar fir use ankh marte huwe kaha

 

"Saale buhut bada kamina hai tu"

"Es main kya shak hai, arey apna to kaam hi kalli ko phool ban'na hai"... Virender ki baat pe aik baar fir dono zor se hans pade.

"Thak, Thak, Thak, Thak"... Koi lagatar jaise uska darwaza baja raha tha. Abhinav kafi gahri neend soya huwa tha pahle to use laga jaise woh koi khaab daikh raha hai laiken jab darwaza musalsal bajta raha to woh uth kar baith gaya us ne samne ghadi pe waqt daikh to 1 bajne wala tha. Es samay kon ho sakta hai, shayad Chanda ho.

Us ne uth kar darwaza khola to darwaze pe khade wajood ko daikh kar woh hairan rah gaya, wahan pe Chanda nahi koi ladki khadi thi, jo uska darwaza kholti he foran uske kamre ke ander aa gayi.

"Ye.... kya.... kya matlab? Kon ho tum?"... Us ne hairangi se us ladki ko ander ate huwe daikh kar kaha

 

"Batati hon, aap darwaza band kar dijiye"... Woh boli to use laga jaise koi saaz baja ho halka sa, etni meethi awaz us ne apni zindagi main pahle nahi suni thi aur waise bhi ladkiyon ke sath baat karne ka to use zyada tazarba bhi nahi tha.

Kothe pe paida hone ka aik nuqsan ye bhi tha ke woh hamesha ladkiyon se door bhaga tha, kisi bhi ladki ko tawaif ki nazar se na daikhna uske lye hamesha mushkil raha tha. Kyun ke us ne to aurat ka hamesha se sirf aik he roop daikha tha.

 

"Kon ho tum aur raat ko mere kamre main kya karne aayi ho?"... Darwaze band kar ke akhir kaar woh kuch sanbhal ke bola

 

"Mera naam Meena hai aur main yahin apke ghar main rahti hon"... Ab ki baar ladki ne apna naam bataya laiken abhi tak us ne apne uper se woh badi se chadar nahi hatayi thi jis main woh lipat kar aaye thi

 

"To main kya karon?"... Uska tauraf sun kar he Abhinav ka mouh kadwa ho chuka tha

"Muje aap se buhut zaroori baat karni hai"

 

"Mujse? Mujse kya baat karni hai? Tum shayad nayi aaye ho yahan pe mere bare main janti nahi. Muje na to es ghar main rahne walon se koi gharz hai aur na he ander jo hota hai us se mera koi lena dena hai.

Tumhain jo bhi kaam hai kisi aur se ja ke kaho"... Abhinav ko laga ke shayad woh uske ghar nayi aayi hai aur kisi kaam ko karne ke lye uski madad chahti hai. Uski ghar main rahne wali ladkiyon ko kya kaam ho sakta hai ye bhi use achi tarhan pata tha es lye us ne pahle he use khabardar kar dya

 

"Main apke bare main sab janti hoon aur main es ghar main kayi saalon se rah rahi hoon"... Ab ki baar Meena ne baat karne ke sath he apne uper ki huwe chadar hata di. Abhinav ne

 

etne kareeb se kabhi kisi ladki ko nahi daikha tha, ya to woh such main buhut he khoobsurat thi ya fir uski ladkiyon ke bare main natajarba-kari thi jiske karran pahli dafa kisi ladki ko etne ghor se daikhne ki waja se woh use khoobsurat lag rahi thi.

 

Woh ladki jis ne apna naam Meena bataya tha, kale rang ke salwar kameez main thi, aur us main uska badan aise chamak raha tha jaise abhi abhi woh makhan se naha ke aayi ho. Kameez to uske badan se aisi chipki thi jaise uske badan pe rakh kar darzi ne use siya ho, aur kameez main uske seenay ke ubhaar bilkul saaf tanne huwe nazar aa rahe the, kameez ka gala bhi kafi bada tha jis ki waja se woh uske ubharon ke uper halka sa cleavage bhi daikh

 

sakta tha. Abhinav ko pahli baar kisi ladki ko daikh kar apni pent main kuch hulchul mehsoos huwe to us ne foran he apni nazrain uske chahre ki taraf kar di, woh abhi tak sir jhukaye khadi thi, jis ki waja se woh uske sirf gulabi hont he daikh paya.

 

"Jab sab janti ho mere bare main to fir yahan kya karne aaye ho?"...

Abhinav ne akhir kaar kamre main chayi khamoshi ko toda

 

"Muje apke bare main sari jankari Chanda ke zariye hasil huwi. Main janti hon ke aap Meera Bai ke betay hain aur aap ko yahan rahna bilkul pasand nahi aur aap kafi saalon se yahan se jane ki koshish kar rahe

 

hain"... Abhinav ne etne saaf jawab ke bare main nahi socha tha

"Tum ye sab muje kyun bata rahe ho? Main abhi tak tumhare anay ka matlab nahi samajh paya"... Abhinav ne ab ki baar ulajh kar kaha

 

"Aik larki, aik larkay ke paas khud chal kar kyun aati hai?"... Pahli baar Meena na uski ankhon main ankhain daal kar kaha

 

"Dekho agar tum etne saalon se es ghar main rah rahi ho to tumhain achi tarhan pata hoga ke Meera Bai se mera samband bas naam ka he hai, to us mamle main to koi madad nahi kar sakta main tumhari, paisa to mere pas hai nahi agar hota to main khud ab tak yahan se ja chuka

 

hota. Agar tumhain mere sath raat guzarni hai to uski bhi waja muje samajh nahi aati. Jitni tum khoobsurat ho to yahan tumhare sath raat guzarne wale to buhut hon ge jo ulta tumhain lakhon rupay bhi dain ge unke saath raat guzarne ke lye"... Abhinav ne bhi ab khul kar baat karne ka soch lya

 

"Agar main kahon muje aap se mohabbat hai to?"... Meena ne aik baar fir sir jhuka kar kaha jaise woh apne kisi jurm ka aitraaf kar rahe ho. Kuch lamhay ke lye to Abhinav ko samajh he nahi aaya ke us ne kya kaha hai fir jab use samajh aaya to use apna dimagh ghoomta huwa mehsoos huwa. Usi ke ghar main rahne wali aik ladki, aik tawaif us se mohabbat ka izhaar kar rahi hai.

"Kya kaha tum ne? Tumhara dimagh to kharab nahi ho gaya kya?"...

Abhinav ne takreeban cheekh kar kaha, magar Meena to jaise apne dil ka bhoj halka kar ke shaant ho gayi thi, woh aram se uske bister per baith gayi jaise aaj raat woh wahin guzarne ke lye aayi ho

   "Sikender aaj sharab peenay ka maza nahi aa raha"... Virender ne whisky ka ghoont bharte huwe kaha

 

"Main to kab se kah raha hon ke Meera Bai ke kothe pe chalo wahan to bin pye hi nasha chadh jata hai"

"Tumhain pata hai muje kothon pe jana pasand nahi"... Virender ne apna glass bharte huwa jawab dya

 

"Arey yaar wahan se aurtan to mangwate ho apni ayashi ke lye to wahan jane main kya burayi hai fir?"

 

"Thakur Virender Sing apni pyaas bhujane ke lye kunwain ke paas nahi jata, kunwa Thakur Vireder Sing ke paas ata hai uski pyaas bhujane ke lye"... Virender ke lahze main garoor saaf jhalak raha tha

 

"Wah!... Ye to kisi film ke dialogue se kam nahi"... Sikender ne Virender ke jawab pe jhoom kar kaha

"Filmon main to notanki wale kaam karte hain, meri ragon main Thakur khandan ka khoon hai. Badhshah hon main apni es saltanat ka"...

Virender ne apne hath ko ghuma kar apne alishaan banglay ki taraf ishara kya

 

"Aisa Badshah jis ki maan kisi aur ke sath bhaag gayi"... Sikender ne dil he dil main sochte huwe kaha. Use pata tha ye baat Virender ke samne kahna matlab apni maut ko awaz daina tha esi lye us ne dil he dil main es baat ka maza lya

 

"Chalo yaar buhut dair ho gayi, main to ab chalta hon"... Sikender ne apna glass khatam kar ke uth'te huwe kaha

 

"Woh sara mamla tay kar lya hai na Meera Bai se? Dance program main koi rukawat nahi honi chahye, main sab ko zuban de chuka hon ke buhut shandar program hoga"

 

"Tum be-fiker raho, meri Meera Bai se baat ho gayi hai, advance payment bhi kar di hai. Meena ko daikh kar tumhare hosh bhi udne wale hain, bus tyaar raho"...

Sikender ne hanste huwe kaha

"Hum to intizar main hain, deedar to karayo us husn ki devi ka, pasand aa

gayi to malamaal kar don ga use bhi aur Meera Bai ko bhi"... Sikender uska jawab sun kar hanste huwe chala gaya jab ke Virender anay wale dinon ka soch kar apne lye aik aur peg ban'ne laga

"Meera Bai ne buhut saal pahle muje aik aurat se kharida tha, main khud bhi nahi janti ke mere maan baap kon hain, mane to hamesha se us aurat ko he apni maan samjha laiken us ne apne swarth ke lye muje Meera Bai ke hath baich dya. Tab se main yahan pe aik aise qaidi parinde ki zindagi guzar rahi hon jis ke parr kaat ke use qaid khane main phaink dya gaya ho"... Meena use apni

zindagi ke bare main bata rahi thi aur halanki Abhinav ko uski baaton se koi saro-kaar nahi tha laiken us ne use saaf saaf bata dya tha ke jab tak woh apni baat nahi kar laiti woh wahan se nahi jaye gi es lye woh ab chup chaap uski batain sun raha tha

"3 saal pahle aap Chanda ko bulane ghar ke ander aaye the tab pahli baar maine apko daikha tha, tab pahli baar mere ander aik ajeeb sa naye ehsaas ne janam lya. Tab main khud bhi nahi janti thi us ehsaas ko kya naam don laiken uske baad muje jab bhi moqa milta tha main chup chup kar apko daikha karta thi. Muje samajhne main kafi samay laga ke jo mere ander naye jazbe ne janam lya hai woh apki mohabbat ka hai. Phir maine Chanda se aap ke bare main

sab kuch maloom kya aur apki soch ke bare main jaan kar mere dil main apke lye mohabbat ke sath sath izzat bhi aa gayi. Aisi jaga pe rah kar bhi khud ko es mahool se door rakhna aur apne lye aik izzat-daar zindagi ka khaab daikhna har kisi ke bas ki baat nahi hai. Aap ki soch buhut oonchi aur achi hai. Aur ye aap ki he soch hai jis ne mere lye yahan pe rahna ab aur bhi dushwaar kar dya hai, mere lye yahan pe guzara har aik pal ab kisi azaab se kam nahi hai"...

Meena ye kah kar thodi dair ke lye

chup ho gayi

"To ab tum mujse kya chahti ho?"... Abhinav ne uktaye huwe lahze main kaha

"Main kucch chahti nahi, main to bas etna chahti hoon ke aap muje apna bana lain. Aap nahi jante yahan pe mard numa bhaidiye aate hain aur lalchayi huwe nazron se muje daikhe hain. Aap us takleef ka andaza nahi kar sakte jo muje unke samne nachne se hoti hai"... Meena ki baat sun ke pahli baar Abhinav chonka, etne saalon main aaj pahli baar kisi tawaif ke mouh se woh baat nikli thi jo woh hamesha socha karta tha

"Main janti hoon ye sab etna asaan nahi hai, aap to shayad ab tak jante bhi nahi the ke main aap se mohabbat karti hoon, aik dam se ye sab such maan laina shayad aap ke lye asaan nahi hai. Main aap ke sath zabardasti nahi kar rahi, main to bas ye chahti hoon ke aap es bare main

soch kar muje jawab dain, aapka jo bhi jawab hoga muje manzoor hoga. Meri kismat ka faisla aab apke hath main hai"... Abhinav chup chaap uski batain sun raha tha

"Ab main chalti hoon, main bas aap ko yahi sab batana chahti thi"... Ye kahte huwe Meena na dobara woh chadar pehan li, jis main lipat kar woh wahan aaye thi

"Muje aap ke jawab ka intizar rahe ga"

Ye kah kar Meena to wahan se chali gayi aur Abhinav apne bister per dobara lait gaya. Us ne kabhi socha bhi nahi tha ke uski zindagi main aaisa bhi koi mod aaye ga. Ab tak to woh sirf apne bare main sochta aaya

tha ke kaise use es nark se nikalna hai laiken aaj Meena uske lye soch ka aik naya darwaza khol gayi thi. Ye sach tha ke us ne Meena jaisi khoobsurat ladki aaj tak nahi daikhi thi, woh such main koi shahzadi si lagti thi, aur waise bhi aaj tak ladkiyon ke mamle main woh bilkul kora he tha, us ne kisi ladki ko etne ghor se dekha bhi nahi tha. Laiken aaj Meena ke izhar-e-mohabbat ne use buhut kuch sochne pe majboor kar dya tha. Magar sab se bada sawal jo uske samne tha ke ye sab hoga kaise? Woh to ab tak etne paisay bhi jama nahi kar paya tha ke khud ko azaad kara sake. Chanda uski madad to karti rahi thi laiken woh sab kuch Meera Bai se chup kar karti thi aise main woh koi zyada paisa use nahi de sakti thi, bas thoda buhut paisa de dya karti thi

aur baki kharcha woh tutions padha ke pura kar leta tha laiken us se bas uski padhayi ka he kharcha mushkil se nikal pata tha. Aise main Meena ko bhi apne sath lay kar bhagna aur Meera Bai se dushmani laina buhut bada khatra tha. Laiken Meena ka es tarhan wahan aana use aik aur raah bhi dikha raha tha, laiken use jo bhi karna tha buhut soch samajh kar karna tha kyun ke use moqa aik he baar milna tha bar bar nahi. Neend kahin buhut door ja chuki thi, ab to woh sirf aik he baat soch raha tha ke use agay anay wale dinon main ab kya karna hai.

Posted on: 09:29:AM 24-Mar-2021


0 0 110 0


Total Comments: 0

Write Your Comment



Recent Posts


Thomas Bryton heard the bell ring sounding.....


3 0 57 4 0
Posted on: 05:33:AM 21-Jul-2021

Summary: MILF Mom catches nerdy son masturbating.....


0 0 51 2 0
Posted on: 05:28:AM 21-Jul-2021

I was 18 years old and had.....


0 10 33 5 0
Posted on: 05:18:AM 21-Jul-2021

The fair grounds were packed for the.....


0 0 39 1 0
Posted on: 11:16:AM 18-Jul-2021

The warm, gentle wind swept playfully through.....


0 1 70 9 0
Posted on: 11:03:AM 18-Jul-2021

Send stories at
upload@xyzstory.com